Фондацијата Институт отворено општество Македонија / Ромаверзитас 

објавува

Отворен повик за нов уредувачки тим на студентското
списание Рома Индекс

Ромаверзитас е универзитетска компонента на Програмата за образование на Роми на Фондацијата Институт отворено општество - Македонија (ФИООМ),
финансирана од Ромскиот образовен фонд (РЕФ) и Американската Агенција за
меѓународен развој (УСАИД). Ромаверзитас обезбедува образовна поддршка за
студентите Роми запишани на студии на универзитетите во Република Македонија,
насочена кон зголемување на стапката на проодносто во студиите
и на нивните лични капацитети. Крајната цел на Ромаверзитас е создавање квалитетен професионален кадар меѓу Ромите и нивно вклучување во сите сфери на општеството.

Опис на програмата

Рома Индекс е студентско списание на Ромаверзитас поддржано од Ромскиот
образовен фонд (РЕФ) кое излегува двапати годишно.
Рома Индекс претставува форум каде студентите Роми од различни години и
области на студии можат да ги изразат своите ставови и мислења, да
информираат, анализираат и полемизираа околу различни актуелни прашања и теми кои произлегуваат од или се врзани за:

• областите на нивните студии;
• животот и статусот и на студентите Роми;
• животот и статусот на Ромската заедница во општеството
  (со посебен акцент на Ромската заедница во образовниот систем):
• процесите на креирање и донесување на политиките, начинот на
  нивното спроведување како и ефектите за/врз Ромите (општо во
  сите области на општественото живеење, но и посебно врзано за
  областите на Декадата на вклучување на Ромите)

Ромаверзитас објавува конкурс за 3 студенти Роми кои ќе бидат нов
уредувачки тим на студентското списание Рома Индекс.

Услови и начин за пријавување:

За членови на уредувачкиот тим (3) на Рома Индекс можат да се пријават
студенти Роми кои ја запишале академската 2007/08 година на некој од универзитетите во Република Македонија. Приоритет ќе им биде даден на студентите кои претходно биле вклучени како пишувачи или уредувачи на текстовите во Рома индекс како и на тие кои студираат новинарство или комуникациски науки.

Потребна документација за пријавување

• Потврда за последен запишан академски семестар во академската 2007/08
  година (само за студентите кои не се стипендисти на проектот) Ромаверзитас/ФИООМ за академската 2007/08 година).
• CV (куса биографија);

Селекција

Селекцијата ќе се изврши во две фази. Првичната селекција ќе се направи врз
основа на квалитетот на приложените документи, а потоа предселектираните
кандидати ќе бидат повикани на тестирање и интервју.

Комплетираната документација треба да се достави во назначениот рок
препорачано по пошта на адресата на Ромаверзитас/ФИОО-Македонија
дадена подолу или лично во просториите на Ромаверзитас.
Некомплетни и ненавремено доставени документи нема да се разгледуваат.

__________________________________________________________________

Отворен повик до студентите Роми за текстови за студентското
списание Рома Индекс

Ромаверзитас е универзитетска компонента на Програмата за образование
на Роми на Фондацијата Институт отворено општество - Македонија (ФИООМ),
финансирана од Ромскиот образовен фонд (РЕФ) и Американската Агенција за
меѓународен развој (УСАИД). Ромаверзитас обезбедува образовна поддршка за
студентите Роми запишани на студии на универзитетите во Република
Македонија, насочена кон зголемување на стапката на проодносто во студиите
и на нивните лични капацитети. Крајната цел на Ромаверзитас е создавање квалитетен професионален кадар меѓу Ромите и нивно вклучување во сите сфери
на општеството.

Опис на програмата

Рома Индекс е студентско списание на Ромаверзитас поддржано од Ромскиот
образовен фонд (РЕФ) кое излегува двапати годишно.
Рома Индекс претставува форум каде студентите Роми од различни години и
области на студии можат да ги изразат своите ставови и мислења, да
информираат, анализираат и полемизираа околу различни актуелни прашања и теми кои произлегуваат од или се врзани за:

• областите на нивните студии;
• животот и статусот и на студентите Роми;
• животот и статусот на Ромската заедница во општеството (со посебен
  акцент на Ромската заедница во образовниот систем):
• процесите на креирање и донесување на политиките, начинот на нивното
  спроведување како и ефектите за/врз Ромите (општо во сите области на
  општественото живеење, но и посебно врзано за областите на Декадата
  на вклучување на Ромите)

Се повикуваат сите заинтересирани студенти Роми кои ја запишале
академската 2007/8 година на некој од универзитетите во РМ да поднесуваа текстови во текот на целата академска година. Текстовите ќе бидат земени во предвид за објавување во првиот нареден број на списанието по нивното подесување

Избраните текстови ќе бидат симболично хонорирани.
Изборот на текстовите ќе се прави врз основа на актуелноста на прашањето
и квалитетот на текстовите, како и изджаноста на понудените аргументи.
текстовите ќе подлежат на проценка и може да бидат вратени на доработка кај студентите. Ромаверзитас го задржува правото да не објави некој од одобрените текстови. 

____________________________________________________________________

Отворен повик за студентски иницијативи и проекти 

Ромаверзитас е оперативна програма на Фондацијата Институт отворено
општество - Македонија (ФИООМ), финансирана од Ромскиот Образовен
Фонд (РЕФ) и Американската Агенција за меѓународен развој (УСАИД), како концепт на неформално образование наменет за студентите Роми запишани на студии запишани на студии на универзитетите во Република Македонија. Фондот за студентските иницијативи и проекти за академската 2007/08 година
финансиски е целосно обезбеден од страна на Ромскиот Образовен Фонд (РЕФ).

Целта на Ромаверзитас е поддршка на напорите за создавање квалитетен
професионален кадар меѓу Ромите и зголемување на нивните капацитети за
вклучување во општествените текови.

Опис на Програмата
Програмата за доделување на студентски грантови за нивни предлог проекти
е дел од активностите на Ромаверзитас која предвидува поддршка на студентски
иницијативи.

Целта на програмата е да се поттикнат студентите Роми да дискутираат,
дебатираат и истрашуваат на одредени теми кои се поврзани со нивната област
на студирање и ромската заедница во Р.Македонија.

Дискурс на програмата "Студентски иницијативи и проекти "

Оваа програма нуди можност на студентите да ги изразат своите иницијативи преку
предлог проекти во следниве области:

1. Дебати, дискусии и академски панели:

Студентите имаат можности да организираат дебати, дискусии и академски
панели
на разни теми при што во својство на предавачи или соговорници ќе поканат
релевантни професионалци од владиниот и невладиниот сектор, универзитетот
како и од другите сектори на јавниот живот во Република Македонија.

Дебатите и дискусиите обработуваат актуелни прашања од сферата на
образованието, политиката и другите општествени сектори. На овој начин
студентите го прошируваат и продлабочуваат своето знаење, се стекнуваат со
комуникациски вештини, но исто така запознаваат нови пријатели и колеги од
другите заедници во Република Македонија

Предлог иницијативите за организирање на дебати, дискусии и академски панели не
смее да ја надмине севкупната сума од 200 Евра.
Планираните активности да се имплементираат почнувајќи од 20 Април до 15
Септември, 2008 година.

2. Микро истражувања:

Студентите се охрабруваат да конкурираат за грантови со цел да изведат микро
истражувања во врска со ромската проблематика во кои ќе препорачаат можни
начини за нивно разрешување. Преку ваквите микро истражувања студентите се
здобиваат со пошироки знаења во нивната академска област, а тимското работење
им овозможува поголема соработка со нивните колеги Роми како и студенти од
другите етнички заеднички во Република Македонија.

Услови и начин на пријавување

На конкурсот можат да аплицираат студенти Роми кои ја регистрирале академската
2007/08 година и се студенти на универзитетите во Република Македонија.

Приоритет ќе им биде даден на предлог предлог проектите кои:

• се изготвени од поголем број на студенти при имлементацијата на предлог
  проектот;
• да ангажираат професори/експерти од високо образовна институција.

Предлог иницијативите за спроведување на микро истражувањата не смее да ја
надмине севкупната сума од 1.000 Евра.
Планираните активности да се имплементираат почнувајќи од 20 Април до 15
Септември, 2008 година.

Потребна документација за пријавување

• Пополнета пријава/апликација за предлог студентски иницијативи;
• CV-a на сите вклучени лица;
• Резиме на сите вклучени лица;
• Потврда за највисок запишан семестар во академската 2007/08 година
  (само за студентите кои не се стипендисти на Ромаверзитас/ФИООМ
  за академската 2007/08 година).

Селекција

Селекцијата ќе биде извршена од страна на Советодавниот одбор на Ромаверзитас.

Комплетираната документација треба да се достави во назначениот рок
препорачано по пошта на адресата на Ромаверзитас/ФИОО-Македонија дадена
подолу или по пат на e-mail: ndavceva@romaversitas.edu.mk со назнака на предметот
"Студентска иницијатива/проект (СИП) и насловот на студентската
иницијатива/проект".
________________________________________________________________________

Ромаверзитас е дел од Програмата за образование на Роми на Фондацијата
Институт отворено општество - Македонија (ФИООМ) кој е финансиран од
Американската Агенција за меѓународен развој (УСАИД) и Ромскиот образовен
фонд (РЕФ) од Будимпешта.

Ромаверзитас/ФИООМ ги нуди следниве можности за дополнителна академска
поддршка за студенти Роми за академската 2007/08 година:

Туторство - овозможува максимум 50 часови подучување за еден или најмногу за
два предмети во една испитна сесија. Можноста за туторирање ќе биде отворена во
текот на целата академска година. Целта е да се обезбеди неопходната помош по
предметите каде студентите имаат потешкотии со совладување на предвидените
наставни содржини и успешно полагање на испитите. Студентот го бира туторот
самостојно од редовите на универзитетските асистенти, постдипломци, магистри,
дипломирани или постари студенти со исклучителен успех на сите години на
студии (најмалку 8.00). Студентот го предлага туторот при пријавувањето. Право на
пријавување имаат редовните студенти запишани на било која година и област на
студии на акредитираните универзитети во РМ. Предност за користење на туторска
помош ќе имаат редовните студенти запишана 1-ва година на државните
универзитети, како и студентите од наставничките факултети.

Потребна документација за пријавување за туторска помош:
- Формулар за туторство (превземете формулар за аплицирање во програмата за
туторство);
- Индекс на увид;
- Транскрипт на положени испити за студентите кои се на високообразовни
институции кои не издаваат индекс;

Прашања и дополнителни информации за конкурсот можат да се добијат во
просториите на Ромаверзитас - Македонија, ул. “Мирче Мацан” бр.26, Скопје,
тел: 02 /3296-142, факс: 02/ 3296-143, секој работен ден од 10:00 - 16.00 часот, или на
wеb страницата на Ромаверзитас Македонија www.romaversitas.edu.mk.
Лице за контакт: Наташа Давчева - проектен асистен,
e-mail: ndavceva@romaversitas.edu.mk