Висината на стипендиите зависи од академските достигнувања мерени преку преминот од година во година и според местото на студирање на студентите Роми (студенти кои студираат надвор од местото на живеење добиваат 1.300,00 УСД, а студентите кои студираат во местото на живеење добиваат 800,00 УСД). Студентите кои ќе покажат добри академски резултати (просек 8 и над 8) добиваат бонус од 200,00 УСД со цел нивна стимулација и зголемување на мотивацијата помеѓу студентите Роми за поголем успех во нивните студии. Стипендиите служат за покривање на трошоците за партиципација, патни трошоци, книги и за покривање на 50% од трошоците за сместување за оние студенти кои студираат надвор од местото на живеење.